• Registered: 21.02.2010
  • Posts: 19

Topic: Glasafrjóvgun

Sælar allar.
Datt í hug að kalla eftir reynslusögum frá ykkur af glasafrjóvgun. Maður hefur stundum heyrt að konum með endometriosu gangi eitthvað verr í glasafrjóvgun en öðrum og ég myndi gjarnan vilja heyra frá einhverjum ykkar sem farið hafa í glasafrjóvgun. Auðvitað er ég að vona að það séu einhverjar góðar sögur þarna úti um glasafrjóvgun sem bar árangur!
Ég hef sjálf farið tvisvar. Fyrst fyrir mörgum árum en þá komu engin egg svo það var bara hætt. Svo fór ég aftur fyrir tæpu ári og var settur upp ágætis fósturvísir en niðurstaðan varð samt neikvæð. Nú gæti ég trúað að ég fari aftur með haustinu.
Takk, takk, :-)
Sóllilja.

  • Linda
  • New member
  • Offline
  • Registered: 06.10.2008
  • Posts: 5

Re: Glasafrjóvgun

Ég hef nú reyndar ekki neinar góðar sögur að segja þér en hér er mín... Ég fór í glasameðferð í fyrra þar sem náðust 17 egg (12 fullþroska og 11 frjóguðust en aðeins 7 héldu áfram að skipta sér). Upp fór einn ferskur fósturvísir og það varð neikvætt. Næsta mánuði á eftir voru settir upp 2 frystir fósturvísir og annar hélt sér en dó svo á 8 viku. Svo var verið að setja upp 2 frysta fósturvísa hjá mér í gær...

Ég myndi segja að hjá sumum konum með endomitriosu gengur þetta bara vel - það fer svo rosalega eftir því hvar "skaðinn" er... Ég er t.d. með mjög slæmt endomitriosis... Er með stórar blöðrur á eggjastokkunum og svo er þetta um allan kviðinn og einnig í öxlinni! en sem betur fer þá er allt í lagi með legið sjálft en eggjaleiðararnir mínir eru lokaðir/ónýtir og þess vegna hef ég þurft glasameðferðir...

Gangi þér rosalega vel... Og ekki gefast upp... Veistu þeir erum fara í meðferð(ir) hjá Art fá barn að lokum í hátt í 90% tilfella... Hjá sumum tekur þetta því miður margar meðferðir!!!

Kviðarholsspeglun nóv 2008 - greind með slæma endomitriósu.
Glasameðferð april 2009 - neikvætt. Upps. á frystum mai 2009 - Jákvætt. Fósturlát á 8 viku.
Kviðarholsspelgun des 2009 - Ekkert hægt að gera - allt gróið saman.
Uppsetning á fyrstum fósturvísum mars 2010 - Neikvætt. Glasa nr 2 í Júní 2010 - Neikvætt
  • Registered: 21.02.2010
  • Posts: 19

Re: Glasafrjóvgun

Sæl Linda.
Kærar þakkir fyrir að svara mér.
Mér sýnist stefna í að ég fari í kviðarholsspeglun í maí og aftur í glasafrjóvgun með haustinu. Vandamálið hjá mér hefur m.a. verið að það koma svo fá egg. En þeir ætla að prufa einhvern annan hormónakokteil handa mér í næstu umferð! Vonandi hjálpar það.
Gangi þér sem best. Ég vona að þetta lukkist hjá þér núna. :-)
Sólilja.

  • Registered: 08.01.2010
  • Posts: 4

Re: Glasafrjóvgun

Sæl.

Ég hef nú enga sögu að segja varðandi glasafrjóvgun ....... langaði bara að segja gangi þér vel smile

Leyfir okkur kannski að fá að fylgjast með úr fjarlægð með framgang mála.

kv. Draumastelpa.

  • Registered: 21.02.2010
  • Posts: 19

Re: Glasafrjóvgun

Hæ hæ.
Aðeins að láta í mér heyra hérna :-)
Fór sum sé í kviðarholsspeglun seinnipartinn í maí. Það gekk allt vel og ég er að skríða saman. Hefur samt tekið lengri tíma en ég hélt en Auði virðist hafa grunað þetta því hún lét mig fá 3 vikur í veikindafrí og er ég því mjög fegin núna.
Ég var svolítið svekkt áður en ég fór í kviðarholsspeglunina að blaðran væri að stækka. Enn frekar af því að ég var búin að vera að reyna svo margt til að ná mér betri. Hins vegar kom í ljós að þetta var alls ekki eins slæmt og hafði verið. Eggjaleiðararnir voru nokkurnveginn opnir. Ég var ekki með súkkulaðiblöðru á eggjastokk eins og Auður hélt heldur var þetta blaðra úr gömlu endói utan á öðrum eggjaleiðaranum. Auður vildi meina að það væri betra en ef þetta hefði verið ný súkkulaðiblaðra á eggjastokknum og að það hefði í raun ekki verið mikið nýtt endo. Meira eitthvað gamalt sem hafði aðeins stækkað. Þannig að kannski er þetta nú að hafa áhrif sem ég hef verið að gera þrátt fyrir allt. Seinast þegar ég var á blæðingum í einhvern tíma var ég komin með 10 sm blöðru eftir ár og allt undirlagt af endo. Núna var ég með tæplega 4 sm blöðru á eggjaleiðara eftir 8 mánuði og reyndar samgróninga milli ristils og legs en annars ekki allt undir lagt. Enda hafði ég verið mun skárri af verkjum en nokkru sinni áður.
Núna er ég svo áætluð í glasa í ágúst því sénsinn er yfirleitt mestur stuttu eftir kviðarholsspeglun. Sendi inn hársýni til Fríðu hjá 9 mánuðum sem hún sendi til Foresight úti í Bretlandi og var að fá niðurstöður úr því sem mér finnst svolítið sjokkerandi því ég er undir norminu í ansi mörgum efnum og Forsight mæla ekki með þungun fyrr en það er orðið betra en mér finnst ég samt ekki geta frestað glasadæminu því þetta er allt stillt saman út frá kviðarholsspegluninni og svona. Finnst líka skrítið að niðurstöðurnar séu svona því ég hef hugsað vel um mataræði undanfarið ár og tekið fáránlega mikið af heilsu- og bætiefnum. Hins vegar var meltingin svo leiðinleg og ég oft með niðurgang. Hugsanlega hef ég bara ekki verið að ná að taka nógu vel upp efni úr fæðunni út af því. Það hefur verið betra núna eftir aðgerðina.
Úff fyrirgefið röflið - ein aðeins að pústa! Læt svo allavega aftur í mér heyra í kringum glasadæmið :-)
Sóllilja.

  • Registered: 06.05.2008
  • Posts: 27

Re: Glasafrjóvgun

Sæl Sóllilja,

ætlaði bara að benda þér á Kolbrúnu grasalækni sem kemur til með að gefa út bók á næstunni um meltinguna. Maður er nefnilegast ekki það sem maður borðar heldur það sem maður meltir. Bendi þér á að viða að þér efni um það, getur t.d. skoðað náttúrulækningafélagið og talað við þær í Jurtaapótekinu hjá Kollu. Þá er hægt að taka inn Acetofilus í duft formi. Ég er að taka góða blöndu núna sem virkar vel fyrir ristilinn. Þá veit ég að Kolla grasa hefur gefið út ráðleggingar varðandi mataræði og bætiefni þegar maður er að reyna við barneignir. Þér er velkomið að hafa samband í gegnum endo@endo.is ef þú vilt spjalla eða fá frekari upplýsingar.

Gangi þér vel.

Bestu kveðjur,
Erla

  • Registered: 22.07.2010
  • Posts: 2

Re: Glasafrjóvgun

Hæ stelpur og takk fyrir fróðlegan þráð.

Hvað er þetta "Foresight" Sóllilja sem þú minnist á? Ég bý í Bretlandi en hef aldrei heyrt um þetta þrátt fyrir að hafa verið í endómetríósu- og glasameðferð hér. Mér hefur nefnilega fundist ég ekki taka upp nógu góða næringu og er mjög oft með niðurgang. Hef oft minnst á það við læknana en þetta hefur aldrei verið athugað. Hefði mikinn áhuga á að láta rannsaka þetta hjá mér.

Kveðja,
Röskva

  • Registered: 21.02.2010
  • Posts: 19

Re: Glasafrjóvgun

Sælar stelpur.
Takk fyrir gott boð Erla um að mega hafa samband. Takk einnig fyrir ábendingarnar. Ég vil einmitt endilega heyra hvað aðrir eru að gera í þessum efnum. Reyndar er ég búin að prufa ansi margt sjálf. Fór nokkrum sinnum til Kolbrúnar en svo fjaraði það eiginlega út í vor hjá mér og ég hef ekki farið síðan.
Röskva, varðandi Foresight þá eru þetta samtök sem hafa starfað nokkuð lengi við það að hjálpa fólki að nota náttúrulegar leiðir við að auka líkur á þungun. Ég held að eftirfarandi sé síðan hjá þeim... www.foresight-preconception.org.uk/
Hins vegar er ég orðin svolítið skeptísk á þessar niðurstöður sem ég fékk frá þeim því á endanum fór ég í blóðprufu og lét tékka á sumu af því sem hafði verið tékkað á í hárprufunni og skv. blóðprufunni voru þessi efni í lagi hjá mér. Sömuleiðis hafði ég fengið lista yfir ýmislegt hjá þeim sem borgaði sig að tékka á en heimilislæknirinn minn vildi meina að margt á þessum lista ætti t.d. ekki við á Íslandi. Augljósasta dæmið um það var að maður ætti að tékka hvort maður væri með berkla en þeir finnast varla á Íslandi. Þannig að miðað við mína reynslu þá væri kannski allt í lagi að kynna sér eitthvað af því sem þeir segja en taka þessu samt með smá fyrirvara held ég.
Varðandi meltinguna. Hún hefur oft verið mér til mikilla ama. Ég fór í magaspeglun um daginn því ég var farin að halda að ég væri kannski með glutenóþol/ofnæmi en það kom ekki fram í magaspegluninni og þetta leit allt vel út. Hins vegar hef ég verið að prufa mig áfram með mataræði nokkuð skipulega og ítrekað þegar ég hef hætt að borða glúten þá snarbreytast hægðirnar hjá mér á nokkrum dögum til hins betra. Ég er ekki að segja að allt verði perfect en ég finn og sé greinilegan mun þannig að ég er orðin sannfærð um að þrátt fyrir að ekkert hafi komið út úr magaspegluninni að þá bregðist líkami minn illa við annaðhvort hveiti eða jafnvel öllu glúteni. Þessar pælingar og þreyfingar eru samt hálfgert ferðalag hjá manni. Hugsanlega verð ég komin að annarri niðurstöðu næst þegar ég skrifa :-). Einhvernveginn á ég samt ekki von á því, þetta er svo afgerandi munur hjá mér.
Varðandi glasamálin þá urðum við að setja þau í bið út af veikindum í fjölskyldunni. Sömuleiðis er ég orðin of létt skv. BMI staðli svo það er betra að ég nái upp þyngd fyrir glasameðferð. Núna stefnum við á glasa í desember/janúar og ég mun fara til Þórðar á næstunni til að fá annan skammt af Zoladexi.
En þú Röskva, ert þú á leiðinni í aðra glasa á næstunni?
Úff eins og vanalega hjá mér þá er þetta orðin algjör langloka!!
Sóllilja.