• ella
  • New member
  • Offline
  • Registered: 05.05.2008
  • Posts: 7

Topic: Pillumeðferðir

Sælar stúlkur,

enn og aftur er ég á höttunum eftir upplýsingum, hef núna farið til tveggja kvensjúkdómalækna, þar sem ég var ósátt með þann fyrri og hvað hún gat lítið fyrir mig gert!
En eftir að ég kláraði zoladex meðferð og byrjaði aftur á túr byrjaði ég á pillunni microgyn og tók hana stanslaust, það virkaði fínt í tæpa tvo mánuði, svo var ég á stanslausum vægum túr í mánuð án þess að nokkuð rénaði, þá ráðlagði læknirinn mér að taka 2 töflur í nokkra daga, sem varð til þess að blæðingarnar hættu, svo minnkaði ég aftur niður í eina töflu, og blæðingarnar endurtóku sig.  Þá setti hún mig á tvær pillur og tek núna eina töflu af hvorri tegund daglega (marvelon og mercilon).
Svo ræddi ég við kvensjúkdómalækni 2, honum fannst það vera full stór skammtur að taka svona stóran skamt og mælti með brjóstapillunni cerazette (en gæti aftur lent í milliblæðingum á þeirri pillu). Samt sá hann núna í ómskoðun að blaðra var komin á annan eggjastokkinn 1,5 cm í þvermál. Í ofanálag er leghálsinn óvenjubólginn...
Ég var orðin ótrúlega pirruð á þessum endalausu blæðingum og veseni - hvað hefur reynst ykkur best konur góðar, pillur með tveimur hormónum (venjulega pillur) eða pillur með einu hormóni sem virkar eins og prógesterón (brjóstapillur).

Og hvað á maður að bíða lengi eftir að stanslausar blæðingar gangi yfir - ég var allavega orðin líkamlega og andlega búin á því eftir þennan rúma mánuð, blóðlítil í þokkabót - orðin fölari en allt fölt og óhemjuþreytt í lok vinnudags.

kv.

vandræðagripurinn

  • Registered: 06.05.2008
  • Posts: 27

Re: Pillumeðferðir

Sæl Ella,

mér finnst þetta ekki hljóma vel að vera að taka tvær tegundir af pillum í einu. Ég er á hormónasprautunni, depoprovera, og hef verið á henni síðan 2006. Hún hefur hentað mér mjög vel og ég hef ekki farið á blæðingar síðan ég byrjaði á henni. Ég veit reyndar að hún hentar alls ekki öllum en þeim sem hún hentar, hentar hún vel. Hún virkar svipað og brjóstapillan. Hormónalykkjan gerir það líka og þó svo ég hafi ekki prófað hana sjálf þá hef ég ekki heyrt neitt nema gott af henni (hún er sett upp þó svo að konur hafi ekki eignast börn). Stafurinn virkar líka svipað og brjóstapillan en ég hef ekki heyrt þannig af honum að ég geti mælt með honum.

Þannig að ef þú þarf eins hormóns getnaðarvörn eins og brjóstapillan er, þá eru þetta leiðirnar sem voru kynntar fyrir mér 2006 og ég held að það hafi ekkert breyst síðan þá. Hringurinn er auðvitað orðinn algengari en ég veit ekki hvort hann hefur verið að henta endókonum vel. Ég myndi mæla með því að þú spyrðir lækninn þinn út í sprautuna eða lykkjuna. Sprautan gæti virkað fyrir þig því það er rosalegt af hormónum í henni og miðað við skammtana sem þú ert að taka þá er það allavegana ekki út í hött að láta sér detta það í hug. Þér er velkomið að hafa samband aftur ef þú verður sett á sprautuna, ég er búin að vera á henni það lengi að ég ætti að geta frætt þig eitthvað.

Gangi þér vel.

Bestu kveðjur,
Erla

  • as77
  • New member
  • Offline
  • Registered: 23.03.2010
  • Posts: 2

Re: Pillumeðferðir

Úff, það er svo erfitt að vera í endalausri tilraunastarfssemi með hormóna og pillurnar.  Ég get í raun litlu bætt við en vildi bara senda þér smá stuðning því ég hef verið í sömu sporum. Endaði reyndar á því að hætta allri hormónatöku þar sem ég var orðin kolrugluð í skapinu og útkeyrð andlega á því að vera alltaf að fikta með pilluna fram og til baka (hún fer mjög illa í mig).

Ég lenti líka í því að þegar ég var að taka pilluna spjald eftir spjald án þess að taka hlé að þegar ég svo að lokum tók hlé þá voru verkirnir sem fylgdu verri en nokkru sinni fyrr.

Ég er ekki ennþá búin að finna meðferð sem hentar mér aðra en þá að taka ekkert og bryðja verkjatöflur en það er hætt að virka líka þar sem ég fer bara versnandi og ég er á leiðinni til læknis fljótlega.

Vona bara að þeir finni einhverja lausn fyrir þig !